Мектеп тарихы

Мектеп тарихы

Ақсу ауданы- ежелден Қыдыр дарыған ақындар мен батырлар, ғалымдар елі.

Аймағы- төскейден малы, жайлаудан сәні арылып көрмеген жер десек, оның ішінде Көкөзек аулының да тарихы арыда жатыр.

Ауылдағы мектеп 1927 жылдың тамыз айында танымал ақын Марфуға Айтқожинаның әкесі Қали Айтқожаұлының басшылығымен құрылған. 1930 жылы үш бөлмелі мектеп салынып «Сталин» атындағы бастауыш мектеп атанды. Оқуға жиналған 40- 50- ге жуық балалардың білімі тексеріліп, 4 сыныпқа бөліп оқытқан.

1930 жылы Көкөзек орталау мектеп, 1968 жылы Көкөзек 8 жылдық мектебі, ал 1981 жылы Көкөзек орта мектебі болып қайта құрылды.

«Тұйғын ақын» атанған жерлесіміз Қуат Терібаевтың 100 жылдық мерейтойына орай 1991 жылы мектепке ақынның есімі берілді.

Мектептің алғашқы ұстаздары

Жансейіт Шығанбаев

Тұрысбек Сұлтанов

Хасен Құдайбергенов

Сара Архарбаева

Қабидолла Нұрбеков

Уәли Жаманбаланов

Ештенхан Жиреншенов

Зинаида Ермолаева

Сейіт Шамагетов

Нұрмұханбет Сейсенбаев

Мектептің алғашқы оқушыларының бірі Баянды Манкейұлы Құсмолдин мектептің тарихын жазып, бүгінге із қалдырған ұстаз, соғыс және еңбек ардагері.

Ауылдан шыққан дарынды адамдар: Исабаев Исатай- атақты суретші, Шәріпов Нәбимұрат- Талдықорған облысы туберкулез ауруханасының бас дәрігері. Ал Демекеев Шермұхан, Оразбаев Сәкен, Үкібаев Әлмұханбет, Мұсағалиев Ысқақ Еңбек Қызыл Ту ордендерімен марапатталған

Әр жылда мектепте басшылық еткен ұстаздар

Қали Айтқожаұлы 1927- 1930 жыл

Уәли Жаманбаланов 1930- 1932

Хасен Құдайбергенов 1932- 1965

Асылкен Тұрғанбеков 1965- 1968

Жамал Сатыбалдина 1968- 1970

Елтай Байшалов 1970- 1976

Құтбай Исаев 1976- 1980

Бижамал Шырғайбаева 1980- 2001

Қайрат Тұрысбеков 2001- 2004

Айдынбек Жексенбаев 2004- 2010

Ерғали Тулегенов 2010